Apple TV+-ის მორიგი საყურებელი ჰიტი ახლახან გამოვლინდა ფსიქოლოგიური თრილერის, „არასრულყოფილი ქალების“ (Imperfect Women), ვარსკვლავურ ტრეილერში. არამინტა ჰოლის ამავე სახელწოდების რომანზე დაფუძნებული მომავალი რვაეპიზოდიანი საგა მოგვითხრობს დანაშაულზე, რომელიც სამი ქალის ათწლეულების მანძილზე არსებულ მეგობრობას ანადგურებს. Apple TV+-მა გამოაქვეყნა „არასრულყოფილი ქალების“ ოფიციალური ტრეილერი, რომლის პრემიერაც სტრიმინგ პლატფორმაზე 18 მარტს გაიმართება. შოუში მთავარ როლებს ელიზაბეტ მოსი, კერი ვაშინგტონი და ქეით მარა ასრულებენ, როგორც სამი მეგობარი, რომელთა ცხოვრებაც თავდაყირა დგება მას შემდეგ, რაც მარას პერსონაჟი, ნენსი, მოკლული აღმოჩნდება. ჯოელ კინამანი მისი მეუღლის, რობერტის როლს ასრულებს, რომელიც თავს „მონსტრად“ არ მიიჩნევს, როდესაც მას ეჭვმიტანილად მოიხსენიებენ. მიუხედავად იმისა, რომ უცნობია, ვინ ჩაიდინა დანაშაული, ნენსის სიკვდილი ბევრ ბნელ საიდუმლოს ამხელს, რომლებთანაც მოსისა და ვაშინგტონის პერსონაჟებს მოუწევთ გამკლავება. „არასრულყოფილი ქალების“ დამხმარე მსახიობთა შემადგენლობაში არიან: კორი სტოლი, ლესლი ოდომ უმცროსი, ოდრი ზანი, ჯილ ვაგნერი, რომ ფლინი, შერილ ლი რალფი, ვიოლეტ ლინცი, ინდიანა ელი, ჯექსონ კელი, ქით ქერედაინი, ანა ორტის, უილსონ ბეტელი და შერი სომი. სერიალის შემქმნელი და შოურანერი ენი ვაისმანია, რომელიც ცნობილია Apple TV+-თან წინა თანამშრომლობით, სერიალით „ფიზიკური“ (Physical), რომელშიც როუზ ბირნი მონაწილეობდა. „არასრულყოყოფილი ქალების“ აღმასრულებელი პროდიუსერები არიან ვაშინგტონი, მოსი, ლინდსი მაკმანუსი, პილარ სავონე, ავტორი ჰოლი, ქეი ოიეგუნი და ლესლი ლინკა გლატერი, რომელთაგან უკანასკნელმა სამი ეპიზოდის რეჟისორობა შეითავსა. ოფიციალური სიუჟეტის სინოფსისი: „არასრულყოფილი ქალები“ იკვლევს დანაშაულს, რომელიც სამი ქალის ათწლეულების მანძილზე არსებულ მეგობრობას ანადგურებს. ეს არატრადიციული თრილერი იკვლევს დანაშაულს და სამაგიეროს გადახდას, სიყვარულს და ღალატს, ასევე იმ კომპრომისებს, რომლებსაც ჩვენ ვდებთ და რომლებიც შეუქცევად ცვლიან ჩვენს ცხოვრებას. გამოძიების განვითარებასთან ერთად, ირკვევა სიმართლე იმის შესახებ, თუ როგორ შეიძლება არ იყოს ყველაზე მჭიდრო მეგობრობაც კი ისეთი, როგორიც ერთი შეხედვით ჩანს. Entertainment Tonight-თან ინტერვიუში კერი ვაშინგტონმა „არასრულყოფილი ქალები“ მომავალ „მნიშვნელოვან შოუდ“ დაასახელა, რომელიც მარტში პრემიერის შემდეგ საზოგადოების განხილვის მთავარი თემა გახდება. ვარსკვლავური, ემის ჯილდოს მფლობელი მსახიობებითა და ტრეილერით, რომელიც „დიდი პატარა ტყუილების“ (Big Little Lies) განწყობას ქმნის, ვაშინგტონის არგუმენტების წინააღმდეგობის გაწევა რთულია. რა თქმა უნდა, ჯერ ადრეა იმის თქმა, ახდება თუ არა ეს, მაგრამ Apple TV+-ის უახლეს სერიალს აშკარად ამბიციური მიზნები აქვს. „ვფიქრობ, ეს ნამდვილად თქვენი შემდეგი „water cooler“ (ყველაზე განხილვადი), მნიშვნელოვანი, ყველასთვის სალაპარაკო შოუა, ასე მგონია, იმედი მაქვს. ეს მეგობრობაზეა, იმაზე, თუ რას აკეთებთ, როდესაც მეგობრობაში ყველაზე უარესი ხდება და რას აღმოაჩენთ ერთმანეთის შესახებ ურთიერთობების გაშლისას.“ თავად ვაშინგტონი არ არის უცხო მსხვილი სატელევიზიო პროექტებისთვის, რომელთა შორის ყველაზე ცნობილია პოპ-კულტურის სენსაცია „სკანდალი“ (Scandal). იგი ემის რამდენიმე ჯილდოზე იყო ნომინირებული შონდა რაიმსის მიერ შექმნილ სერიალში მონაწილეობისას, სანამ საბოლოოდ მოიგებდა ჯილდოს „გამორჩეული Variety Special (Live)“ კატეგორიაში, მას შემდეგ, რაც პროდიუსერობა გაუწია Live in Front of a Studio Audience-ს. თუ ვინმემ იცის „water cooler“ შოუების შესახებ, ეს ვაშინგტონია, რაც კარგ ნიშანია იმისთვის, რომ „არასრულყოფილი ქალები“ დრამატული ტელევიზიის მაყურებელთა შემდეგი აკვიატება გახდება.