დენიელ რედკლიფმა რვა ფილმში შეასრულა ჰარი პოტერის როლი და პროცესში მსოფლიო ხატად იქცა. Collider Behind the Scenes-ის გადაცემაში ბოლოდროინელი განხილვისას რედკლიფმა გაამჟღავნა, თუ რა სამახსოვრო ნივთები შეინახა საკულტო ფილმის ფრენჩაიზის გადასაღები მოედნებიდან. როგორც ჩანს, ფილმებში ნაჩვენები ყველა დასამახსოვრებელი ნივთიდან რედკლიფმა გადაწყვიტა, შეენახა რაღაც საკმაოდ უჩვეულო. Collider Behind the Scenes-ის გადაცემის მსვლელობისას დენიელ რედკლიფმა მრავალ თემაზე ისაუბრა და ბევრ შეკითხვას უპასუხა. ამასთან ერთად, მას ჰკითხეს იმ რეკვიზიტების შესახებ, რომლებიც მან გადაღებებიდან სახლში შეინახა. რედკლიფმა გაამჟღავნა, რომ „ჰარი პოტერის“ გადასაღები მოედნიდან ორი საკულტო სათვალე შეინახა, ასევე საკმაოდ უჩვეულო ნივთი – ხელოვნური მკლავი, რომელიც გამოყენებული იყო ფილმის „ჰარი პოტერი და საიდუმლო ოთახი“ ერთ-ერთ სეგმენტში. „ვფიქრობ, სინამდვილეში ჰარი პოტერის ორი წყვილი სათვალე მაქვს. ერთი დასაწყისიდან და ერთი ბოლოდან. ისინი ჩემს სახლში არ არის, ასე რომ, არ მოხვიდეთ და არ გამძარცვოთ. ისინი სადღაც უსაფრთხო ადგილას არის,“ - განაცხადა მსახიობმა. მან დაამატა: „სინამდვილეში ჰარი პოტერის გადაღებებიდან რამდენიმე უცნაური ნივთი მაქვს, რომელიც ნამდვილად მომწონდა. მაგალითად, მათ ნება მომცეს, შემენახა პროთეზირებული მკლავი, რომელიც იმ ეპიზოდისთვის იყო შექმნილი, როცა ჩემი მკლავიდან ყველა ძვალი ამოიღეს მეორე ფილმში.“ მსახიობმა ისიც დაამატა, რომ მას ჩვევად ჰქონდა, შეეგროვებინა პირადობის მოწმობები მისი ფილმების გადასაღები მოედნებიდან, როცა მის პერსონაჟებს ასეთი ჰქონდათ. „ვფიქრობ, ეს ჩვევა შევწყვიტე, მაგრამ ადრე… როცა ჩემს პერსონაჟს რაიმე სახის პირადობა, მაგალითად, ყალბი მართვის მოწმობა ჰქონდა, მე მათ ვინახავდი,“ - დაამატა რედკლიფმა. „ასე რომ, ერთი მათგანი „რქებიდან“ მაქვს. ვფიქრობ, რაღაც მქონდა იმ პერიოდიდან, როცა ალან გინსბერგს ვთამაშობდი. ასევე ფეხსაცმელებს და ჯინსებს ვინახავდი. მაგალითად, ნამდვილად მაქვს რამდენიმე პერსონაჟის ფეხსაცმელი. ასე რომ, ახლა შემიძლია ვთქვა, რომ დიახ, წლების განმავლობაში საკმაოდ ბევრი რამ მომიპარავს.“ „ჰარი პოტერი“ ყველა დროის ერთ-ერთ ყველაზე პოპულარულ კინოფრენჩაიზად რჩება.