მართალია, საუკეთესო ხელოვნების ნიმუშები ზოგჯერ ტანჯვის შედეგია, მაგრამ ეს ნამდვილად არ ეხება სერიალ „24“-ის მეორე სეზონის მე-11 ეპიზოდის საკამათო სცენას. კიმ ბაუერის როლის შემსრულებელი ელიშა კათბერტი გადაღებებამდე ველურმა კატამ დაკბინა. სცენა კი, რომელშიც ის პანიკაში მყოფი ტყეში დახეტიალობს, მოგვიანებით სხვანაირად დაიდგა. 2013 წელს, ჟურნალ Vulture-თან საუბარში, კათბერტმა გაიხსენა, რომ ცხოველთან პირველი შეხვედრისას ის ავად იყო. მსახიობის თეორიით, სწორედ ამან გამოიწვია ცხოველის აგრესია. „ან ტყეში რაღაცამ შეაშინა და მე უბრალოდ კატის წინ აღმოვჩნდი, ან შესაძლოა, ეს იმიტომ მოხდა, რომ ძალიან ცუდად ვიყავი. იქნებ, იგრძნო, რომ სუსტი ვიყავი. არაფერს არ გამოიწვევდა მისი პროვოცირება. წარმოდგენა არ მაქვს, რატომ გადაწყვიტა ჩემი კბენა, მაგრამ ეს ნამდვილად მოხდა,“ – განაცხადა კათბერტმა. ინციდენტის შემდეგ კათბერტი სასწრაფოდ გადაიყვანეს საავადმყოფოში, სადაც ის ჯერ კიდევ ხელოვნური სისხლითა და ნაკაწრებით იყო დაფარული. საავადმყოფოს პერსონალმა იფიქრა, რომ ცხოველმა ის სრულად დაგლიჯა – ანეკდოტი, რომელიც „Happy Endings“-ის ვარსკვლავს საკმაოდ სახალისოდ მოეჩვენა. სამწუხაროდ, კათბერტის ტანჯვა დამაჯერებელ სატელევიზიო ნამუშევრად არ იქცა. მიუხედავად იმისა, რომ „24“ ხშირად ყველა დროის ერთ-ერთ საუკეთესო ჯაშუშურ სერიალად ითვლება, ეს ნამდვილად არ იყო შოუს საუკეთესო მომენტი. ელიშა კათბერტი ერთ-ერთია იმ მსახიობთაგან, რომლებმაც სატელევიზიო შოუს გადაღების დროს ფიზიკური დაზიანება მიიღეს. მისმა ტრავმამ „24“-ის შემქმნელებს გეგმების შეცვლა აიძულა. ამ მომენტიდან კათბერტი კატას მოარიდეს და ეკრანზე გასულ ეპიზოდში ძირითადად ცხოველის B-roll კადრები იყო გამოყენებული. ეს არც ისე კარგად მიიღეს მაყურებლებმა. „ვფიქრობ, ხალხს ის არ მოეწონა, რადგან არასოდეს გადაღებულა ისე, როგორც საჭირო იყო,“ – განუცხადა კათბერტმა Vulture-ს. „ეს განპირობებული იყო გადასაღებ მოედანზე მომხდარი ინციდენტით და იმით, რომ ვერ გადავიღეთ ის, რაც გვჭირდებოდა. თუ უკან გადახედავთ და უყურებთ ეპიზოდს, ნახავთ, რომ არასდროს ვართ ერთ კადრში. ეს იყო, კადრი კატაზე, შემდეგ ისევ ჩემზე.“ სერიალის თანაშემქმნელმა რობერტ კოქრანმა დაამატა, რომ ბევრმა ეს სცენა უაზროდ მიიჩნია, რადგან იგივე ამბის გადმოცემა კატის გარეშეც შეიძლებოდა. კათბერტს კი მიაჩნია, რომ ეს უიღბლო მომენტი მხოლოდ ამძაფრებდა მაყურებლის უკმაყოფილებას კიმის მიმართ, რადგან ის ყოველთვის საფრთხეში იყო და ფანები დაიღალნენ მისი ისტორიებით.