„Evil Dead 7“-ის ოფიციალური სათაური ცნობილია: „Evil Dead: Wrath“

„ბოროტი მკვდრების“ (Evil Dead) ფრენჩაიზის მეშვიდე ფილმს ოფიციალური სათაური „Evil Dead: Wrath“ დაერქვა. „ბოროტი მკვდრების“ ფრენჩაიზი ოფიციალურად 1981 წელს სემ რაიმის რეჟისორობით გადაღებული ფილმით დაიწყო, რომელშიც ბრიუს კემპბელი თამაშობდა. მას შემდეგ გამოვიდა კიდევ ოთხი ფილმი: 1987 წლის „ბოროტი მკვდრები II“ (Evil Dead II), 1993 წლის „სიბნელის არმია“ (Army of Darkness), 2013 წლის „ბოროტი მკვდრები“ (Evil Dead) და 2023 წლის „ბოროტი მკვდრების აღზევება“ (Evil Dead Rise). მომდევნო ფილმი, სახელწოდებით „Evil Dead Burn“, კინოთეატრებში ამ ზაფხულს გამოვა. ასევე, იყო სერიალი „ეში ბოროტი მკვდრების წინააღმდეგ“ (Ash vs Evil Dead), რომელიც Starz-ზე სამი სეზონის განმავლობაში გადიოდა. მაშინ, როცა მაყურებელი ჯერ კიდევ ელოდება „Evil Dead Burn“-ს, უკვე ცნობილი გახდა, რომ ფრენჩაიზის მეშვიდე ფილმზე მიმდინარეობს მუშაობა. ამ ფილმის რეჟისორია ფრენსის გალუპი, ხოლო მთავარ როლებს შარლოტ ჰოუპი, ჯესიკა მაკნემი, ზაკ გილფორდი, ჯოშ ჰელმანი, ელა ნიუტონი, ელა ოლიფანტი და ელიზაბეტ კალენი შეასრულებენ. აოტეაროა ახალი ზელანდიის კინოინდუსტრიის გილდიის (The Screen Industry Guild of Aotearoa New Zealand Incorporated) ბოლოდროინდელი განცხადების თანახმად, „Evil Dead 7“-ს „Evil Dead: Wrath“ დაერქმევა. ფილმის გადაღებები ოკლენდში ამ თვეში დაიწყება. რაიმი — რომელმაც ცოტა ხნის წინ გადაიღო 2026 წლის საშინელებათა ფილმი „Send Help“ რეიჩელ მაკადამსისა და დილან ო'ბრაიენის მონაწილეობით — „Evil Dead: Wrath“-ის პროდიუსერია კემპბელთან, რობ ტაპერტთან, რომელ ადამთან, ხოსე კანასთან და ლი კრონინთან ერთად. აღსანიშნავია, რომ ლი კრონინმა „ბოროტი მკვდრების აღზევება“ გადაიღო. სიუჟეტის დეტალები ამ დროისთვის გასაიდუმლოებულია, რაც იმას ნიშნავს, რომ უცნობია, გაგრძელდება თუ არა რაიმე სიუჟეტური ხაზი „Evil Dead Burn“-იდან ან ფრენჩაიზის სხვა ფილმებიდან „Evil Dead Wrath“-ში. სცენარი ასევე გალუპიმ დაწერა. „Evil Dead Wrath“-ის გამოსვლის თარიღი ჯერ არ გამოცხადებულა. რაც შეეხება „Evil Dead Burn“-ს, მის რეჟისორად სებასტიენ ვანიჩეკი გვევლინება. ეს ფილმი, რომელშიც სუჰეილა იაკუბი, ჰანტერ დუჰანი, ლუსიან ბიუქენენი, ტანდი რაიტი და ჯორჯ პულარი მონაწილეობენ, Warner Bros. Pictures-ისგან 2026 წლის 24 ივლისს გამოვა.