„ბიშოპი“ მალე გამოვა Prime Video-ზე და ცნობილი გახდა, რომ სერიალის მსახიობთა შემადგენლობას ახალი წევრი შეემატა. THR-ის ცნობით, ჯონ მალკოვიჩი ჯოელ კინამანთან ერთად ითამაშებს დეტექტიურ დრამაში. ის მთავარი გმირის მამას განასახიერებს. მომავალი სერიალის შესახებ შემდეგი ინფორმაცია გახდა ცნობილი: „მკვლელობის განყოფილების დეტექტივი ბიშოპ გრეივსი (კინამანი) — ბრწყინვალე და გამოცდილი — ყველა თავის უნარს გამოიყენებს დაუჭერელი მკვლელის დევნაში, რომელიც სან-ფრანცისკოს შეძლებული კლასის წარმომადგენლებს ესხმის თავს. როდესაც ეს სულ უფრო გაბედული მკვლელი ქალაქის უძლურ მოსახლეობაში ერთგულ მიმდევრებს იძენს, ბიშოპი რწმუნდება, რომ ეს მკვლელობები სან-ფრანცისკოს ყველაზე ძლევამოსილ ადამიანს, მის საკუთარ მამას, ლინკოლნ გრეივსს (მალკოვიჩი) უკავშირდება.“ სერიალის შექმნის უკან Little Marvin და Tony Saltzman დგანან, რომლის შეკვეთა Prime Video-მ გასულ წელს გააკეთა. სერიალის პრემიერის თარიღი და დამატებითი დეტალები მოგვიანებით გახდება ცნობილი.