კაორუკო მიიამას მანგა „იდეალური დამოკიდებულება“ „ლაით ანიმედ“ გადაკეთდება

გამომცემლობამ და ანიმე პროდუქციის კომპანია IMAGICA Infos-მა პარასკევს განაცხადა, რომ კაორუკო მიიამას boys-love ჟანრის მანგა „იდეალური დამოკიდებულება“ (Perfect Addiction) „ლაით ანიმედ“ გადაკეთდება. ეს „ლაით ანიმე“ არის მეორე პროექტი ახალი boys-love ლეიბლის BALLOON-ის ფარგლებში, რომელიც IMAGICA Infos-მა გასულ წელს Dai Nippon Printing-თან (DNP), CYBIRD-თან და BLUE RIGHTS-თან ერთად დააარსა. პირველი პროექტი იყო ტენმა ასაჰის „ლაით ნოველების“ სერიის „Saioshi no Gikei o Mederu Tame, Nagaikishimasu!“ (ქართ. „ჩემი უსაყვარლესი სიძის სიყვარულისთვის, დიდხანს ვიცოცხლებ!“) „ლაით ანიმე“ ადაპტაცია. ეს „ლაით ანიმე“ 3 იანვარს გამოვიდა. DNP-მ წამოიწყო „ლაით ანიმეს“ კონცეფცია, რათა ანიმაცია უფრო დაბალ ფასად და უფრო „ოპერატიულად“ შექმნას, ტრადიციული ანიმაციის წარმოების პროცესთან შედარებით. BALLOON ლეიბლი მიზნად ისახავს 2026 ფისკალურ წელს ოთხი ახალი პროექტის გამოშვებას, ხოლო 2028 წლისთვის ისეთი სამუშაო პროცესის ჩამოყალიბებას, რომელსაც წელიწადში 10 ან მეტი პროექტის წარმოება შეეძლება. Seven Seas Entertainment-მა მანგის პირველი ტომი ინგლისურ ენაზე 3 თებერვალს გამოუშვა. მანგა Kaiohsha-ს ონლაინ ჟურნალ Gush-ში 2022 წლის აპრილში დაიწყო. Kaiohsha მეოთხე ტომს 10 მარტს გამოაქვეყნებს. მანგის 1.5 მილიონზე მეტი ეგზემპლარია გაყიდული (ციფრული გაყიდვების ჩათვლით). წყაროები: PR Times, Anime! Anime! (ჰორი მეგუმი)