კრისტენ სტიუარტი აშშ-ში მუშაობაზე უარს ამბობს, ევროპაში გადაღებულ ფილმებს კი ამერიკელებს „ყელში ჩაუჩრის“

კრისტენ სტიუარტმა, რომელმაც 2025 წელს ფილმით „წყლის ქრონოლოგია“ (The Chronology of Water) სარეჟისორო დებიუტი შეასრულა, ბოლო ინტერვიუში ამერიკის შეერთებულ შტატებში მუშაობის შესახებ ისაუბრა. მსახიობმა, რომლის კარიერაც როგორც მსხვილბიუჯეტიან ბლოკბასტერებს, ისე არტჰაუსის გამორჩეულ ნამუშევრებს მოიცავს, განაცხადა, რომ მომავალში ამერიკის შეერთებულ შტატებში მუშაობას აღარ გეგმავს. თუმცა, ის გააგრძელებს ფილმების შექმნას აშშ-ის ფარგლებს გარეთ, ამერიკელი მაყურებლისთვის. გაზეთ „თაიმსთან“ ბოლო ინტერვიუში კრისტენ სტიუარტმა იმის შესახებ ისაუბრა, ჰქონდა თუ არა მას აშშ-ში მუშაობის გეგმები. კითხვაზე, ჰქონდა თუ არა მას შტატებში მუშაობის გრძელვადიანი გეგმები, სტიუარტმა უპასუხა: „ალბათ, არა“. მან განმარტა: „იქ თავისუფლად მუშაობას ვერ ვახერხებ“, და დაამატა: „მაგრამ სრულად დანებება არ მინდა. მსურს ევროპაში გადავიღო ფილმები და შემდეგ ამერიკელ ხალხს ყელში ჩავუჩრი“. მან სარეჟისორო დებიუტი, ფილმი „წყლის ქრონოლოგია“, ლატვიაში გადაიღო. მსახიობმა განაცხადა, რომ „ამას შტატებში გაკეთება შეუძლებელი იქნებოდა“. მან ასევე ახსენა პრეზიდენტ დონალდ ტრამპის გეგმები, დაუწესოს ტარიფები კინოინდუსტრიას. ამჟამინდელ ადმინისტრაციასთან დაკავშირებული შეშფოთების მოტივით, სტიუარტმა განაცხადა: „ტრამპის პირობებში რეალობა სრულიად ინგრევა. მაგრამ ჩვენ უნდა ვისწავლოთ მისგან და შევქმნათ ის რეალობა, რომელშიც ცხოვრება გვსურს“. მსახიობისთვის ეს ნიშნავს მომავალში ფილმების შექმნის გაგრძელებას. „ასე ვუკავშირდები სამყაროს“, – თქვა მან, – „ყოველთვის ვფიქრობ, როგორ შეიძლება ეს ფილმად ვაქციოთ?“ მუსიკალური ვიდეოებისა და მოკლემეტრაჟიანი ფილმის „მოდი, ვიცუროთ“ (Come Swim, 2017) რეჟისორობის შემდეგ, სტიუარტმა სრულმეტრაჟიანი სარეჟისორო დებიუტი 2025 წელს შედგა. „წყლის ქრონოლოგია“, რომელშიც ლინდა იუკნავიჩის როლს იმოჯენ პუტსი ასრულებდა, კრიტიკოსების საყოველთაო მოწონება დაიმსახურა. ფილმის შეზღუდული კინოგაქირავება 2026 წლის 9 იანვარს დაიწყო.