მადლენ ფეჩი „შხამიანი სუროსა“ და „ჯინ გრეის“ როლებზე საუბრობს

მადლენ ფეჩი არაერთხელ წარმოიდგინეს კომიქსების ორ ყველაზე საკულტო ქალბატონად – DC Comics-ის „შხამიან სუროდ“ და Marvel-ის „ჯინ გრეიდ“. ბეტმენისა და X-ადამიანების ფანები წლების განმავლობაში აინტერესებდათ, ოდესმე თუ შეასრულებდა მსახიობი რომელიმე ამ პერსონაჟის როლს ეკრანზე. ScreenRant-ის ჟურნალისტ ეშ კროსანთან ინტერვიუში ფილმის „უცნობები – თავი 3“ შესახებ, ფეჩმა ისაუბრა, თუ რას ფიქრობს ის ამ „ფან-ქასთინგებზე“ და იმაზე, იხილავენ თუ არა კომიქსების ფანები მას ოდესმე დოქტორ პამელა აისლის ან ფენიქსის კოსტიუმში. სამწუხაროდ, ფეჩმა განაცხადა, რომ ამჟამად არ არსებობს არანაირი გეგმა, რომ ის სუპერგმირების სამყაროში რომელიმე ამ პერსონაჟის როლში გამოჩნდეს, ყოველ შემთხვევაში, არა ისეთი, რის შესახებაც მას ეცოდინება. თუმცა, მან აღნიშნა, რომ სიამოვნებით შეასრულებდა რომელიმე როლს და მისთვის პატივი იქნებოდა ამ საკულტო ქალბატონების განსახიერება. მსახიობმა ისიც დაამატა, რომ წელს შეეცდება ამის განხორციელებას. „ორივე ეს როლი კრეატიული თვალსაზრისით ნებისმიერ შემთხვევაში ღირებული იქნებოდა. ეს ნამდვილად პატივი იქნებოდა. ჯერჯერობით არანაირი მოძრაობა არ ყოფილა, რაზეც შემეძლო საუბარი“, - განაცხადა მან. „რივერდეილის“ მსახიობის „ფან-ქასტინგი“ მოულოდნელი არ ყოფილა. ფეჩმა რეალურად გამოხატა თავისი სურვილი, ეთამაშა „შხამიანი სურო“ და „ჯინ გრეი“. ინტერვიუებში, ჯერ კიდევ სან დიეგოს Comic-Con 2025-ზე, მსახიობმა The Direct-ს განუცხადა, რომ მას ძალიან სურდა ყველა დროის ერთ-ერთი ყველაზე ძლიერი X-ადამიანის როლის შესრულება. მან ასევე აღნიშნა, რომ საკმაო ხანია ცდილობს „შხამიანი სუროს“ როლის მიღებას. ინსტაგრამზე გამოქვეყნებულ ვიდეოში ფეჩმა თქვა, რომ რამდენიმე წლის წინ ჰელოუინზე ამ ანტიგმირის კოსტიუმში გამოეწყო და ფოტოზე მეთ რივზი მონიშნა, რათა მისი ყურადღება მიეპყრო. ვიდეოში მან განმარტა: „შხამიანი სურო, ეს ჩემი ოცნებაა. ჩვენ ვმუშაობთ ამაზე. შხამიან სუროდ გამოვეწყე, არ მახსოვს რამდენი ჰელოუინის წინ. უბრალოდ მათი ყურადღების მისაქცევად. თითქოს ვეკითხებოდი: „ჰეი, მეთ რივზ, ყურადღებით ხართ?“. მათ ჯერ არ გადაუღიათ ფილმი, ასე რომ, ვინ იცის?“. ფეჩი მაიას როლში დაბრუნდება ფილმში „უცნობები – თავი 3“. მისი პერსონაჟი იყო „უცნობების“ გადატვირთული ტრილოგიის ერთადერთი გადარჩენილი. ფილმის აღწერა სერიის ბოლო თავს „გადარჩენისა და შურისძიების სრულ წრედ“ მოიხსენიებს, სადაც ის სამ ნიღბიან მკვლელს ბოლოს მოუწევს დაუპირისპირდეს. „უცნობები – თავი 3“ კინოთეატრებში 2026 წლის 6 თებერვალს გამოვა.