ნიკოლ კერტისი, პოპულარული გადაცემა „Rehab Addict“-ის ვარსკვლავი, სკანდალის ცენტრში აღმოჩნდა მას შემდეგ, რაც მისი შოუ ტელეარხ HGTV-მ ეთერიდან მოხსნა. ახალი ეპიზოდები 11 თებერვალს უნდა დაბრუნებულიყო, მაგრამ ეს არ მოხდა, რადგან HGTV-მ გაიგო, რომ ნიკოლმა გადაღებების დროს რასისტული შეურაცხყოფა გამოიყენა. ტელეარხმა განაცხადა, რომ მსგავს ქმედებას არ ეგუება და გადაცემა დაუყოვნებლივ მოიხსნა ეთერიდან. გადაცემა „Rehab Addict“-ის ახალი სეზონი 11 თებერვალს უნდა დაწყებულიყო, მაგრამ HGTV-მ ის გააუქმა. ეს მას შემდეგ მოხდა, რაც ნიკოლი გადაღებების დროს რასისტული ნ-სიტყვის წარმოთქმისას დააფიქსირეს. ტელეარხმა დაუყოვნებლივ მიიღო გადაწყვეტილება შოუს მოხსნის შესახებ. თაყვანისმცემლები დამწუხრებულები და გაბრაზებულები იყვნენ ნიკოლის საქციელის გამო და აღშფოთება გამოხატეს იმის გამოც, რომ ასეთი სიტყვა მის ლექსიკონში საერთოდ არსებობდა. ინციდენტის შემდეგ, ნიკოლ კერტისმა ვრცელი ბოდიში მოიხადა. „ბოდიშს ვიხდი. სინანულითა და სინდისის ქენჯნით ვარ სავსე, ზუსტად ისევე, როგორც ერთი წამის შემდეგ, რაც ეს სიტყვა 4 წლის წინ, 2022 წელს ითქვა,“ – წერს კერტისი. მან განმარტა, რომ გავრცელებული კლიპი არის მისი მოპარული და მანიპულირებული კადრების ნაწილი, რომელიც დაარედაქტირეს და ტაბლოიდს მიჰყიდეს, რათა მისი ტელევიზიაში დაბრუნების პარალელურად „სიძულვილის, ბრაზისა და იმედგაცრუების ქაოსი“ შეექმნა. კერტისმა ასევე აღნიშნა, რომ არანაირ საბაბს არ პოულობდა თავისი საქციელისთვის, გამოხატა ღრმა სინანული და ინატრა, რომ უკან დაებრუნებინა დრო. თუმცა, როგორც თავად ამბობს, უკვე გვიანი იყო. თაყვანისმცემლების ნაწილმა ბოდიში დააფასა, მაგრამ ბევრი მიიჩნევს, რომ ახლა უკვე არაფრის გაკეთება არ შეუძლია. საზოგადოების უმეტესობა გაბრაზებული და აღშფოთებულია ნიკოლის საქციელით და მადლობას უხდის HGTV-ს მისი შოუს გაუქმებისთვის. მიუხედავად ამისა, კერტისი, სავარაუდოდ, ნამდვილად ნანობს ნათქვამს და შესაძლოა, მაშინვე ინანა კიდეც.