ნიკოლ კიდმანის მონაწილეობით გადაღებული Prime Video-ს ახალი სერიალის „სკარპეტა“ პირველი ტიზერი გამოვიდა

Prime Video-მ გამოაქვეყნა თავისი ახალი კრიმინალური თრილერის, „სკარპეტას“ პირველი ტიზერი, რომელშიც მთავარ როლს ნიკოლ კიდმანი ასრულებს. სერიალი ამავე სახელწოდების ბესტსელერ რომანებს ეფუძნება, რომლის ავტორი პატრიცია კორნუელია. პირველი ტიზერი მაყურებელს ქეი სკარპეტას წარსულსა და აწმყოს აჩვენებს. ფორენზიკული კრიმინალური თრილერი ტელევიზიისთვის ლიზ სარნოფმა შექმნა და დაწერა, რომელსაც ნამუშევარი აქვს ისეთ აღიარებულ პროექტებზე, როგორიცაა „ბარი“, „დარჩენილები“ და „დაკარგულები“. „სკარპეტას“ პრემიერა Prime Video-ზე 11 მარტს შედგება. სერიალის პროდიუსერები არიან Amazon MGM Studios და Blumhouse Television. რომანს ეკრანზე აცოცხლებენ ვარსკვლავები: ნიკოლ კიდმანი, ჯეიმი ლი კერტისი, ბობი კანავალე, საიმონ ბეიკერი, არიანა დებოუზი, როზი მაკევენი, ჯეიკ კანავალე და ჰანტერ პერიში. კრიმინალური სერიალის მოქმედება ორ ქრონოლოგიურ ხაზში ვითარდება: 90-იანი წლებიდან, როცა კიდმანის პერსონაჟი, ქეი სკარპეტა, მთავარი სამედიცინო ექსპერტის კარიერას იწყებს, დღევანდელ დღემდე, როცა ის მშობლიურ ქალაქში ბრუნდება და კარიერის გაგრძელება უწევს საზარელი მკვლელობის გამოძიებისას. მისი ცხოვრება ირევა, რადგან საიდუმლოებები იფურჩქნება, ამავდროულად კი დორთისთან (კერტისის მიერ განსახიერებული) რთულ ურთიერთობასთან გამკლავება უწევს. „სკარპეტა“ პატრიცია კორნუელის საკულტო ლიტერატურულ პერსონაჟს აცოცხლებს დაძაბულ სერიალში, სადაც ნიკოლ კიდმანი „დოქტორ ქეი სკარპეტას“ როლს ასრულებს. დახელოვნებული ხელებითა და შემაშფოთებელი მზერით, ეს შეუპოვარი სამედიცინო ექსპერტი გადაწყვეტილია, იყოს მსხვერპლთა ხმა, გამოავლინოს სერიული მკვლელი და დაამტკიცოს, რომ მისი 28 წლის წინანდელი, კარიერის განმსაზღვრელი საქმე, მის დაღუპვას არ მოასწავებს. თანამედროვე ფორენზიკული გამოძიების ფონზე, სერიალი დანაშაულის ადგილს სცდება და იკვლევს როგორც დამნაშავეების, ისე გამომძიებლების ფსიქოლოგიურ სირთულეებს, ქმნის მრავალშრიან თრილერს, რომელიც განიხილავს სამართლიანობის მიღწევის ფასს ნებისმიერი ხარჯით. კიდმანის კარიერა ათწლეულებს ითვლის გამორჩეული როლებით ისეთ ნამუშევრებში, როგორიცაა „მულენ რუჟი!“, „პრაქტიკული მაგია“, „სხვები“ და „Babygirl“. ის დაუბრუნდება თავის როლებს „პრაქტიკულ მაგიასა“ და „დიდ პატარა ტყუილებში“, ასევე გამოჩნდება პროექტებში „მარგოს ფულის პრობლემები“, „ახალგაზრდები“, „დისკრეცია“ და „გოგონები და მათი ცხენები“.