ჰიტ ფრანშიზა 4 მარტს სამი სერიის კროსოვერს უშვებს, რაც მასშტაბური მოვლენა იქნება და არა მხოლოდ საგანგებო სიტუაციის (ჰაერში გაჩერებული თვითმფრინავი) გამო. „ჩიკაგოს პოლიციის“ ვარსკვლავები ჯესი ლი სოფერი და ტრეისი სპირიდაკოსი ჯეი ჰოლსტედისა და ჰეილი აპტონის როლებს უბრუნდებიან. სოფერმა შოუ 2022 წელს დატოვა, სპირიდაკოსმა კი 2024 წელს. ახლა ჰეილი FBI-ში მუშაობს, ჯეი კი აშშ-ის არმიისთვის ნარკოტიკების წინააღმდეგ ბრძოლის განყოფილებაში. „განსაკუთრებით სასიამოვნო იყო მათი დაბრუნება, იმის დანახვა, თუ როგორ შეიცვალა მათ შორის დინამიკა და ასევე მათი თვალთახედვის გაგება ჩვენს განყოფილებაზე, ვოიტზე [ჯეისონ ბეგი], ჩვენს ახალ პერსონაჟებზე და იმაზე, თუ რამდენად შევიცვალეთ ჩვენც“, — ამბობს „ჩიკაგოს პოლიციის“ აღმასრულებელი პროდიუსერი გვენ სიგანი. რაც შეეხება ფანების საყვარელ წყვილს, რომლებიც ბოლოს ეკრანზე გამოჩენისას განქორწინებულები იყვნენ, არაფერი (განსაკუთრებით პრომო) არ მიუთითებს მათ გაერთიანებაზე. სიგანი აღნიშნავს: „ორივემ მთელი წლები ეკრანის მიღმა იცხოვრა“. წინა კროსოვერების მსგავსად, „მედი“ და „ფაიერი“ ადგილებს იცვლიან, ამიტომ მოქმედება „ფაიერში“ დაიწყება 8/7c-ზე (აღმოსავლეთის დროით 8 საათზე / ცენტრალური დროით 7 საათზე), სანამ „პოლიციაში“ დასრულდება. მიუხედავად იმისა, რომ ყველაფერი თვითმფრინავის საგანგებო სიტუაციით იწყება, ეს მხოლოდ დასაწყისია. ამის შემდეგ, პირველი დამხმარენი ხვდებიან, რომ სხვა რამ ხდება, რაც უფრო დიდ, მომაკვდინებელ საიდუმლოს იწვევს, რამაც შესაძლოა მრავალი ადამიანის სიცოცხლეს საფრთხე შეუქმნას. „ჩვენ არასდროს გვქონია საქმე თვითმფრინავის ამ ინციდენტის მსგავს მასშტაბურ მოვლენასთან. მოქმედება ეპიკურია, მაგრამ ამავე დროს, ეს ყველაზე მეტად პერსონაჟებზე ორიენტირებული კროსოვერია, რაც კი ოდესმე გაგვიკეთებია, ის ნამდვილად ღრმად იჭრება „One Chicago“ სამყაროს მთავარი გმირების ისტორიაში ცენტრალურ საიდუმლოსთან ერთად“, — ამბობს „ჩიკაგოს მეხანძრეების“ აღმასრულებელი პროდიუსერი ანდრეა ნიუმენი. „მეხანძრეები“ პირდაპირ „მედში“ გადადის, სადაც პირველი ნაწილი „რამდენიმე ადამიანისთვის მოულოდნელი ჯანმრთელობის კრიზისით სრულდება, რაც მათ მეორე საათში „გეფნიში“ მოიყვანს... მათ შორის არის ფეხმძიმე დედაც“, — აცხადებს „ჩიკაგოს ექიმების“ აღმასრულებელი პროდიუსერი ალენ მაკდონალდი. შემდეგ, მესამე საათში, „პოლიცია დროის წინააღმდეგ იბრძვის, რადგან იციან, რომ თუ ამ საქმეს სწრაფად არ მოაგვარებენ, სიცოცხლეები დაიკარგება“, — აფრთხილებს სიგანი. ნიშნავს თუ არა ეს, რომ ჩვენი მთავარი გუნდი საფრთხეშია? ნიუმენი მაყურებლებს სიფხიზლისკენ მოუწოდებს: „ესენი არიან ფრონტის ხაზზე მომუშავეები, ასე რომ, აუცილებლად, ისინი თავიდანვე საფრთხეში არიან“.