კომპანიამ 8 მილიონი PS5 ერთეული მიაწოდა ბაზარს 1 ოქტომბრიდან 31 დეკემბრამდე პერიოდში. 2025 წლის აგვისტოში PS5-ის მიწოდებამ 80 მილიონ ერთეულს გადააჭარბა. 2023 წლის დეკემბერში კი გაყიდვების 50 მილიონიანი ზღვარი გადალახა. 2021 წლის ივლისის მონაცემებით, Sony-ს მსოფლიოს მასშტაბით გაყიდული ჰქონდა PS5-ის 10 მილიონზე მეტი ერთეული მისი გამოშვებიდან მოყოლებული, რამაც PS5 Sony-ს ყველაზე სწრაფად გაყიდვად კონსოლად აქცია. 2022 წლის ივნისისთვის, Sony-ს მსოფლიოს მასშტაბით გაყიდული ჰქონდა PS5-ის 20 მილიონზე მეტი ერთეული. PS5-ის გაყიდვებმა 30 მილიონ ერთეულს 2023 წლის იანვარში მიაღწია, ხოლო 40 მილიონს – იმავე წლის ივლისში. PS5 გამოვიდა შეერთებულ შტატებში, იაპონიაში, კანადაში, მექსიკაში, ავსტრალიაში, ახალ ზელანდიასა და სამხრეთ კორეაში 2020 წლის 12 ნოემბერს. კონსოლი მსოფლიოს უმეტეს ნაწილში 2020 წლის 19 ნოემბერს გამოვიდა. PS5-ის საცალო ფასი 499.99 აშშ დოლარია, ხოლო PS5 Digital Edition-ის (რომელიც არ შეიცავს ოპტიკურ დისკწამყვანს) – 399.99 აშშ დოლარი. 2023 წლის ნოემბრიდან დეკემბრის დასაწყისამდე, PS5-მა მიიღო ახალი, შემცირებული ზომის მოდელი, რომელიც სხვადასხვა ტერიტორიაზე ძველი მოდელის ჩასანაცვლებლად იყო განკუთვნილი. PlayStation 5 Pro კონსოლი 2024 წლის ნოემბერში გამოვიდა ბაზარზე. PS5 Pro აღჭურვილია PlayStation Spectral Super Resolution-ით, 120 FPS-ით, გაუმჯობესებული სხივური მიკვლევით (ray tracing), 2 ტბ SSD მეხსიერებით, განახლებული GPU-თი "28%-ით სწრაფი მეხსიერებით" და ხელოვნური ინტელექტის (AI) მეშვეობით გამოსახულების სიცხადის გასაუმჯობესებელი გაფართოებით (upscaling). Sony-მ 21 ნოემბერს იაპონიაში გამოუშვა PlayStation 5 Digital Edition-ის ახალი მოდელი, რომელსაც მხოლოდ იაპონური ენის მხარდაჭერა აქვს. ის უფრო იაფია, ვიდრე მრავალენოვანი Digital Edition მოდელი, მისი ფასი 55,000 იენი (დაახლოებით 355 აშშ დოლარი) შეადგენს. PS5-ის მიმდინარე Digital Edition მოდელი იაპონიაში 72,980 იენად (დაახლოებით 471 აშშ დოლარი) იყიდება. გასული წლის აგვისტოში, Sony Interactive Entertainment-მა (SIE) აშშ-ში გაზარდა PS5-ის ფასი 499.99 აშშ დოლარიდან 549.99 აშშ დოლარამდე, PS5 Digital Edition-ის ფასი 449.99 აშშ დოლარიდან 499.99 აშშ დოლარამდე, ხოლო PS5 Pro-ის ფასი 699.99 აშშ დოლარიდან 749.99 აშშ დოლარამდე "რთული ეკონომიკური გარემოს" გამო. Sony Interactive Entertainment-მა (SIE) 2025 წლის აპრილში გაზარდა ზოგიერთი PS5 კონსოლის ფასი "შერჩეულ ბაზრებზე" ევროპაში, ახლო აღმოსავლეთში, აფრიკაში, ავსტრალიასა და ახალ ზელანდიაში. თუმცა, PS5 Pro-ის ფასი ამ რეგიონებში უცვლელი დარჩა. SIE-მ 2024 წლის სექტემბერში გაზარდა PS5 კონსოლისა და მასთან დაკავშირებული პერიფერიული მოწყობილობების რეკომენდებული საცალო ფასი იაპონიაში. კომპანიამ ფასების ცვლილების მიზეზად მძიმე გარე პირობები, მათ შორის გლობალურ ეკონომიკურ სიტუაციაში ბოლო დროს მომხდარი ცვლილებები დაასახელა. წყაროები: Sony Gematsu-ს მეშვეობით, 4Gamer (haruka).