რაიან კუგლერი რომანტიკული კომედიის გადაღების სურვილზე საუბრობს

ფილმების, „ცოდვილთა“ და „შავი პანტერის“ რეჟისორმა რაიან კუგლერმა ცოტა ხნის წინ მინიშნება გააკეთა თავის სამომავლო გეგმებზე, „შავი პანტერა 3“-ისა და „საიდუმლო მასალების“ გადატვირთვის შემდეგ. კუგლერი დღევანდელობის ერთ-ერთი ყველაზე განთქმული კინორეჟისორია, მისი ფილმი „ცოდვილნი“ მომავალი 98-ე ოსკარის დაჯილდოებაზე რეკორდული 16 ნომინაციით არის წარდგენილი. კუგლერმა, ფილმ „ცოდვილთა“ ვარსკვლავებთან, მაიკლ ბ. ჯორდანთან, ვუნმი მოსაკუსთან და დელროი ლინდოსთან ერთად, ცოტა ხნის წინ ვრცელი ინტერვიუ მისცა Deadline-ს. ინტერვიუს დროს კუგლერმა გამოთქვა ინტერესი რომანტიკული კომედიის გადაღების მიმართ და აღფრთოვანება გამოხატა გარდაცვლილი რობ რაინერის და ფილმის „როცა ჰარი შეხვდა სალის“ მიმართ. „რაც შეეხება ჟანრებს, რომლებშიც არ მიმუშავია, მაგრამ მსურს, ვფიქრობ, საუკეთესო პასუხი არის ყველა მათგანი,“ – დაიწყო კუგლერმა. „შვილები მყავს, ამიტომ იმედი მაქვს, დიდხანს ვიქნები აქტიური და ვიმუშავებ, სანამ შევძლებ. არ არსებობს ფილმის ჟანრი, რომელიც არ მიყვარს.“ „ფრუტვეილის სადგურის“ რეჟისორმა განაგრძო: „ასე რომ, იმედი მაქვს, ყველა მათგანზე ვიმუშავებ. მინდა, ყოვლისმომცველი ფილმი გადავიღო. მშვიდად განისვენე, რობ რაინერ, გესმით რასაც ვგულისხმობ, მაგრამ „როცა ჰარი შეხვდა სალის“ ერთ-ერთი ის ფილმია, რომელზეც მასთან ერთად ვფიქრობ. და ჩემთვის, ეს ისეთი მყარი რომანტიკული კომედიაა, რომელიც მთლიანობაში ზრდასრულად აღიქმება და მარადიული აქტუალობა აქვს, ხომ გესმით?“ კუგლერმა შემდეგ დაამატა, რომ მას „ერთ დღესაც სიამოვნებით გადაიღებდა ასეთ რომანტიკულ კომედიას.“ ცოტა ხნის წინ, კუგლერის „საიდუმლო მასალების“ გადატვირთვის სერიალმა საპილოტე შეკვეთა მიიღო Hulu-სგან. ის ასევე ხელმძღვანელობს „შავი პანტერა“ მესამე ფილმს. მიუხედავად იმისა, რომ ზოგიერთი ვებგვერდი იუწყება, რომ რაიან კუგლერის რამდენიმე სხვა პროექტიც მზადების პროცესშია, მათ შესახებ ბოლო დროს ბევრი არაფერი თქმულა. ეს ნიშნავს, რომ მას შეუძლია რომანტიკული კომედიის გადაღება „შავი პანტერა 3“-ის შემდეგ.