სემ რეიმი ჯაუმე კოლეტ-სერას თრილერ „მკვდრად ყოფნას“ აპროდიუსერებს

კინემატოგრაფიის მძლავრი ფიგურა, სემ რეიმი, კვლავ პროდიუსერის ამპლუაში ბრუნდება ჯაუმე კოლეტ-სერას „დაძაბული თრილერისთვის“ Play Dead (მკვდრად ყოფნა). ნატალი კონვეის და პიტერ სტენლი-უორდის მიერ დაწერილ ფილმში (რომელიც უკვე მონტაჟის ფაზაშია) მოქმედება მეორე მსოფლიო ომის დროს ვითარდება და მოკავშირეთა ჯარისკაცზე მოგვითხრობს, რომელმაც ჩასაფრების შემდეგ თავი მკვრად უნდა მოაჩვენოს — ვინ იფიქრებდა ამას? ფილმში მთავარ როლებს „ჰამნეტის“ ვარსკვლავი ნოა ჯუპი და „მიცვალებულთა არმიის“ მსახიობი მათიას შვაიგჰოფერი ასრულებენ და შესაძლოა, მისი პრემიერა კინოთეატრებში მიმდინარე წლის ბოლოს შედგეს. ეს რეჟისორ კოლეტ-სერას დაბრუნებას აღნიშნავს, რომლის კარიერა მოიცავს სუპერგმირების (შავი ადამი), საშინელებათა (წყალმარჩხი, ობოლი და ცვილის სახლი) და მოქმედებითი ჟანრების (უცნობი და Carry-On) ფილმებს. Variety-ის ცნობით, მან განცხადებაში აღნიშნა: „Play Dead არის იშვიათი სცენარი, რომელიც უპირობოდ კინემატოგრაფიულად აღვიქვი, შექმნილი დაძაბულობისა და ატმოსფეროსთვის. რაც მაშინვე მომხიბლა, იყო სიზუსტე. ყოველი სცენა მძაფრდება, ყოველ დეტელს მნიშვნელობა აქვს. მას ისეთი ნარკოტიკული თვისება ჰქონდა, რომ გვერდებს სწრაფად ვფურცლავდი, რათა გამეგო, რა მოხდებოდა შემდეგ. ერთ მომენტში შეჩერებით ვიყავი მოცული და მომდევნო წამს უეცრად ყველა ემოცია ვიგრძენი.“ რეიმმა, რომელიც ფილმს თავისი Ghost House Pictures კომპანიის (ასევე ახალბედა Nocturnal Entertainment-ის, BoulderLight Pictures-ის და Bad Grey-სთან ერთად) მეშვეობით აპროდიუსერებს, შეაქო რეჟისორის უნარი, ოსტატურად შეექმნა დაძაბულობა და მსახიობებისგან „შთამბეჭდავი შესრულება“ მიეღო. Nocturnal Entertainment-ის კიტონ ჰაინრიხსმა და აკივა ნემეცკიმ დაამატეს: „პირველივე წაკითხვისთანავე ვიცოდით, რომ Play Dead, თავისი გაბედული სცენებით და ურყევი დაძაბულობით, იყო ფილმი, რომელიც უნდა გადაგვეღო და რომ ჯაუმე მისი სრულყოფილი რეჟისორი იყო. მას აქვს იშვიათი უნარი, სიზუსტით შექმნას დაძაბულობა, და სცენარის მისიეული განხორციელება მოწმობს მის ყველა ძლიერ მხარეს, როგორც მსოფლიო კლასის რეჟისორისას. ჩვენ უზომოდ მოხარულები ვართ, რომ Play Dead არის ჩვენი პირველი ფილმი Nocturnal-ის ეგიდით.“ ამჟამად თავის უახლეს სარეჟისორო ნამუშევარს, რეკორდულად წარმატებულ უდაბნოს კუნძულის საშინელებათა ფილმს „მიშველე“ (Send Help) უწევს პრომოუშენს, რეიმი ცნობილია იმით, რომ წლების განმავლობაში თავის სახელსა და ინდუსტრიულ გავლენას უამრავ მცირე პროდუქციას უმაგრებდა ზურგს. 1981 წელს, დაბალბიუჯეტიანი კლასიკით The Evil Dead, თავი უმაღლეს ტალანტად გამოაცხადა, სარეჟისორო სკამზე სამი ფილმის შემდეგ მან 1989 წლის ზომბი საშინელებათა ფილმი The Dead Next Door აწარმოა. მას შემდეგ ის თანამშრომლობდა ჯონ ვუსთან 1993 წლის ჰონგ-კონგურ თრილერში Hard Target, ტაკაში შიმიძუსთან The Grudge-ის აშშ-ის რიმეიქზე და მის გაგრძელებაზე, დევიდ სლეიდთან 30 Days of Night-ზე, ფედე ალვარესთან ორ Don't Breathe ფილმზე, ალექსანდრე აჟასთან Crawl-ზე, სკოტ ბეკთან და ბრაიან ვუდსთან 65-ზე, და მორიც მოჰრთან Boy Kills World-ზე. ცოტაოდენი იღბლით, კოლეტ-სერას Play Dead-მაც შეიძლება ისარგებლოს რეიმის საიდუმლო ინგრედიენტით.