HBO-ს სერიალ „ოქროს ხანას“ (The Gilded Age) მეოთხე სეზონისთვის ქასთი გაეზარდა. Deadline-ის ცნობით, ისტორიულ დრამას განმეორებადი როლებით ტეილორ ტრენში, ჯეიმს სკალი, დენის ჰეისბერტი, მეგი კუნცი, ნილ ჰაფი და ბონი მილიგანი შეუერთდნენ. გამოვლინდა შემდეგი ინფორმაცია იმ როლების შესახებ, რომლებსაც ახალმოსულები შეასრულებენ: ტრენში ოლივერს განასახიერებს, ვან რაინის ოჯახის ახალ წევრს. სკალი ლი კლაინის როლს შეასრულებს — მხატვრის, რომელიც პირველ ნახატს დასამახსოვრებელ სოციალურ ღონისძიებაზე ყიდის და სახელოვანი მხატვრის, უილიამ მერიტ ჩეიზის შეგირდია. ჰეისბერტი ექიმ რეჯინალდ ჰარისის, უილიამ კირკლანდის მენტორის, პერსონაჟს შეასრულებს, რომელიც ნიუ-იორკს ვაშინგტონში, ფრიდმანის საავადმყოფოსთვის თანხების მოსაგროვებლად სტუმრობს და მოულოდნელ კავშირს ამყარებს. კუნცი ფიონა სამერსის, ცნობილი ასტორების ნათესავის, როლში იქნება. ფიონა კარგი ოჯახიდან გამოსული თავისუფალი სულის ახალგაზრდა ქალია, რომელსაც კონვენციების საზღვრების შესწავლის არ ეშინია. ჰაფი ჯონ დ. როკფელერს, ცნობილ ბიზნესმენსა და ნავთობის მაგნატს განასახიერებს. გამხდარი, თვითნაკეთი კაცი მოკრძალებული წარმოშობით, რომელიც ახლა მსოფლიოში ერთ-ერთი უმდიდრესი და ძლევამოსილი ადამიანია. მორწმუნე ბაპტისტი და ფილანტროპი, თუმცა ყოველთვის არ ეთანხმება თავის თანამედროვე „ყაჩაღ ბარონებს“. მილიგანი ქალბატონ ნაპ კერტისს, პოპულარული პერიოდული გამოცემის The Ladies’ Home Journal-ის ნოვატორ რედაქტორს ითამაშებს. HBO-ს სერიალში, რომელიც ამერიკის „ოქროს ხანის“ პერიოდში ვითარდება, მონაწილეობენ ქერი კუნი, კრისტინ ბარანსკი, სინტია ნიქსონი, მორგან სპექტორი, ლუიზა ჯეიკობსონი, დენე ბენტონი, ტაისა ფარმიგა, ჰარი რიჩარდსონი, ბლეიკ რიტსონი, ბენ ალერსი, ეშლი ატკინსონი, დილან ბეიკერი, ქეით ბოლდვინი, ვიქტორია კლარკი, ჯონ ელისონ კონლი, მაიკლ კამპსტი, კელი კურანი, ჯორდან დონიკა, ჯესიკა ფრენსის დიუკსი, კლეიბორნ ელდერი, ემი ფორსაიტი, ჯეკ გილპინი, ლაისაგეი ჰამილტონი, უორდ ჰორტონი, საიმონ ჯონსი, სელია კინან-ბოლგერი, ბენ ლამბი, ნათან ლეინი, ანდრეა მარტინი, ოდრა მაკდონალდი, ბრაიან სტოკს მიჩელი, დებრა მონკი, ჰეტი მორაჰანი, დონა მერფი, კრისტინ ნილსენი, პოლ ალექსანდერ ნოლანი, კელი ო’ჰარა, პატრიკ პეიჯი, რეიჩელ პიკაპი, ტეილორ რიჩარდსონი, დუგლას სილსი, ბობი სტეგერტი, ერინ უილჰელმი, ჯონ დუგლას ტომპსონი, ლესლი უგამსი, მერიტ უივერი, ბილ კემპი და ფილისია რაშადი. „ოქროს ხანის“ მეოთხე სეზონის პრემიერის თარიღი მოგვიანებით გახდება ცნობილი.